Más de 100 años en el corazón de Ourense
Nestes días acabamos de realizar unha inversión para a mellora da infraestructura dixital do C.P.R Plurilingüe La Purísima.
Este proxecto xurde coa finalidade principal de potenciar o emprego das TIC’s nas actividades de ensino-aprendizaxe. Para elo, temos en conta as necesidades reais dos nosos alumnos e alumnas, procurando lograr a súa educación integral, mellorar as súas competencias dixitais, así como a adquisición de obxectivos, contidos e aptitudes de cara o seu desenvolvemento xeral.
A oportunidade que nos brinda o apoio da Xunta de Galicia na xestión dos fondos económicos facilitados pola comunidade económica europea «Next Generation» permítenos adaptar varias aulas ás necesidades metodolóxicas presentes.
Na seguinte galería de imaxes aprécianse os 4 ordenadores con sistema de ampliación de conexións e os 4 paneis interactivos da marca Traulux, instalados e funcionando. Tódolos profesores do centro recibimos unha formación por parte da empresa suministradora.
2º E.Primaria – Frontal 
2º E.Primaria – Ordenador 
3º E.Primaria Ordenador 
3º E.Primaria Frontal 
6 º E. Primaria Ordenador 
6º E.Primaria Frontal 
3º E.S.O – Ordenador 
3º E.S.O – Frontal 
Formación do profesorado
O obxectivo principal que nos leva a realizar esta inversión é necesidade de dispoñer e aproveitar recursos tecnolóxicos que permitan a mellora e o avance cara unha educación de calidade que se reflicta nos procesos de ensino e aprendizaxe a través da dotación tecnolóxica no centro educativo.
Agardamos que permita a docentes e alumnado un acceso a medios dixitais apropiados para o ensino e a aprendizaxe, posibilitando un desenvolvemento competencial no alumnado que abarque todas as competencias do currículo e, neste caso, especialmente a competencia dixital necesaria para unha integración adecuada na sociedade e o mercado laboral do século XXI.
A inversión permitiranos alcanzar cando menos os seguintes obxectivos específicos:
- Empregar nos procesos de ensino-aprendizaxe actividades interactivas.
- Favorecer un entorno colaborativo e de posta en común para o alumnado, en tempo real e de forma moi axil.
- Empregar metodoloxías activas: clase invertida, aprendizaxe colaborativo, aprendizaxe baseado en proxectos, gamificación, etc.
- Empregar material e recursos dixitais de calidade e de acceso inmediato, de acordo as necesidades que poidan xurdir na aula (libro dixital, videos e outros recursos dixitais on-line ou locais).
- Capturar explicacións e actividades e facilitarllas ás familias dos/as alumnos/as que as precisen, así como interactuar a distancia e en tempo real con alumnado que non poida asistir por calquera circunstancia.
- Facilitar a atención á diversidade.
- Mellorar as competencias dixitais de alumnado e profesorado.
